📍 安平燒肉 (旺角)
旺角彌敦道593-601號創興廣場9樓
.
早排朋友話食過安平燒肉正，所以再帶我地去。唔想夜晚多人，我地揀咗中午去食，但估唔到都唔少人😯環境幾舒服，啱晒一班朋友去😎
.
SRF極黑牛120分鐘吃到飽 $308 (4.5/5)
呢度有四款價錢揀，去食燒肉我就要食好多好多牛🐮😍所以就揀左呢款相對上比較多不同種類既牛類。睇色澤就知佢好新鮮👍🏻 比較特別係佢有金錢肚食😂好似去左飲茶🫖
.
推介大家試佢個櫻花蝦拌飯😍😍佢係自助區個邊，自己裝飯，再加入蔥、櫻花蝦、滷水汁、紫菜，撈勻就食得架啦🤩🤩好香好惹味！佢另外仲有一款櫻花蝦乾拌手工麵，呢個就唔係自助區，而係要喺Apps度落單，不過兩款比較我覺得櫻花蝦拌飯好食啲😌
.
另外必試台灣小枕頭，即係麻糬，一路燒佢就一路脹到好似一個枕頭仔咁好得意，一定要點啲煉奶一齊食，甜甜地😋
.
燒翠肉瓜原來都好好食架🤪爽口得黎又唔會乾淨淨。加上不斷食肉，食啲菜可以減少油膩感🤣
.
除左係apps度有幾款飲品，自助區都有多款飲品選擇！
.
佢呢度仲有台灣小吃例如鹽酥雞，不過整體來講我覺得佢呢一系列嘅台灣小食水準一般，所以有少少失望，所以我都係專注食肉😛
.
最尾仲有Haagen Daz食，大滿足🥰🥰
Search